Wednesday, February 29, 2012

அறிமுகம் ஆகிறது, 'மின் காசோலை'!

நாம் இன்று பயன்படுத்திவரும் காசோலைகள் விரைவில் வழக்கொழிந்துவிடப் போகின்றன. அவற்றின் இடத்தை 'ஈ- செக்' (E - Cheque) எனப்படும் மின் காசோலை பிடிக்கப் போகிறது.

ஓர் இங்கிலாந்து ஆய்வுக் குழு, இந்த மின் காசோலையை உருவாக்கியிருக்கிறது. இதில், வழக்கமான காசோலை முறையின் அனைத்து வசதிகளும் இருக்கின்றன. ஆனால் வங்கிகளுக்கு ஆகும் செயல்முறை மற்றும் அனுப்புதல் செலவுகள் குறையும் என்கிறார்கள்.

இந்த `ஹை-டெக் செக்', பல தலைமுறைகளாகப் பயன்படுத்தப்பட்டு வரும் வழக்கமான செக் போலவே உள்ளது. ஆனால் இதில் எழுதுவதற்கு ஒருவருக்கு டிஜிட்டல் பேனா தேவை. அந்தப் பேனாவில் உள்ள நுண்ணிய காமிரா, பல லட்சம் புள்ளிகளால் ஆன எந்தக் கையெழுத்தையும் பதிவு செய்துவிடுகிறது.

அந்தப் பதிவை, வயர்லெஸ் தொடர்பு மூலம் டிஜிட்டல் பேனா நேரடியாக வங்கிக்கு அனுப்புகிறது.

இந்த மின் காசோலையும், டிஜிட்டல் பேனாவும் வாடிக்கையாளருக்கு மட்டுமே உரிய பாதுகாப்பான முறையில் செயல்படும் என்பதால் ஏமாற்று வேலைகளுக்கு இங்கு இடமில்லை என்கிறார்கள் இங்கிலாந்து ஆய்வாளர்கள்.

வரட்டும் பார்க்கலாம்!

1 comment:

Kannan said...

நல்ல தகவல்.........


"நன்றி,
கண்ணன்
http://www.tamilcomedyworld.com"