Tuesday, December 20, 2011

கவிதைச்சரம்


குரைப்பின் மொழி 


வெளியே கூட்டிப் போக
ஒரு குரல்.

தனியே விட்டு
ஊர் போய்த் திரும்பினால்
தவிப்பாய்
வேறொரு குரல்.

பேப்பர் போட
வருபவருக்கு ஒருவிதம்.

கொய்யா மரத்தில்
அணிலும் காக்கையும்
விரட்டிப் பிடிக்க முடியாக்
கோபத்தில் ஒருவிதம்.

மேயும் மாடுகளின்
நடமாட்டத்துக்குத்
தொடர் குரைப்பு.

மாதமொருமுறை வரும்
சிலிண்டருக்கோ
பயத்தோடு ஒரு குரைப்பு.

ஓரெழுத்துக் கூடினாலும்
பால்காருக்கும்
தபால்காரருக்கும்
வெவ்வேருவிதம்.

பாம்புக்கு வன்குரல்.

சிறுநீர் கழிக்கவும்
இனம் பெருக்கவும்
வெவ்வேறு தொனிகளில்.

குட்டிகளுடன்
விளையாடுகையில்
செல்லமாய் ஒரு குரல்.

யாருமற்ற இரவுகளில்
தொலைதூரக்
குரைப்புக்கு
பதில் குரைப்பாய்
சில நேரம்.

எதுவுமில்லா அலுப்பூட்டும்
பொழுதுகளில்
ஆயாசமாய் ஒரு குரல்.

திடிக்கிடும் கனவுகள்
கலைகையில்
குழப்பமாய் ஒரு குரல்.

எஜமானன்
இறந்துபோனால்
தேற்ற முடியாத
உயிரின் துயரம்
சொட்டும் குரலென

நாயின் குரல்
நாற்பது விதம்.
 என் கவிதைக்குக்
 கூட இல்லை
 இத்தனை விதம்.

சுந்தர்ஜி

*************************************

பரிதாபம் 

அந்தப் புத்தகத்தைப்
பாதி வரை படிக்கிறீர்கள்
சுவாரஸ்யமாக இல்லை
என்கிறீர்கள்
புரியவில்லை எனச்
சலித்துக்கொள்கிறீர்கள்
வார்த்தைகளின்
தெளிபென்கிறீர்கள்
அவசர வேலையெனக்
குப்புறக்கவிழ்த்துச் செல்கிறீர்கள்
அல்லது அட்டை ஒன்றைப்
பக்கங்களுக்கு இடையில்
செருகி வைக்கிறீர்கள்
அல்லது தேவையே இல்லையென
அடுக்கில் கடாசுகிறீர்கள்
நீங்கள் திரும்ப வந்து
படிக்கப்போவதில்லையென
தெரிந்தே இருக்கிறது
புத்தகத்திற்கும்.
புறக்கணித்தலுக்கு உள்ளான
பக்கங்களில்தான் இருக்கிறது
நீங்கள் அதுவரை
தேடிக்கொண்டிருந்த
கதையின் சாரமென
மௌனமாய் பரிதாபப்படுகிறது
புத்தகம்
உங்களுக்காகவும்
கொஞ்சம் தனக்காகவும்.

சந்தியா

5 comments:

rishvan said...

ந்ல்ல கவிதை..... நன்றி பகிர்விற்கு... நானும் கதை, கவிதை எழுதுகிறேன்...

என்னுடைய வலைப்பூ வந்து பாருங்களேன்...

Online Works For All said...

World No.1 Money Making Site. 100% Without Investment Job.

Visit Here: http://bit.ly/vqP0GV

Online Works For All said...

World No.1 Money Making Site. 100% Without Investment Job.

Visit Here: http://bit.ly/vqP0GV

Online Works For All said...

World No.1 Money Making Site. 100% Without Investment Job.

Visit Here: http://bit.ly/vqP0GV

Online Works For All said...

World No.1 Money Making Site. 100% Without Investment Job.

Visit Here: http://bit.ly/vqP0GV